Jun 022007
 

پېغور

خارو يوې ډډې ته سر په څنګل ناسته وه مخامخ ورته زرينو او جمالى لوبې کولې. هغه په ظاهره خو خپلو وړو ته کتل، ولې د سوچ په زور ئې کله يوې خوا ته او کله بلې ډډې ته الوت کوۀ. ماشومانو به چې هيله غوندې شور زوږ جوړ کړۀ، نو سترګې به ئې ورپولې او چې کله به ئې انګتې شروع کړې نو “مۀ کوه پشې” به ئې ورته ووې.
زرينو ګوډۍ لوبوله کله به ئې ورته يو شان جامې اچولې او کله بل رنګ او هرې نوې جوړې سره ئې ورته لوپټه بدلوله، کله به ئې په نکريزو د ګوډيانو پښې لاسونه سرۀ کول او کله به ئې ورته کالى پترى په غاړه کول او چې ټولو ګوډيانو ته ئې ښه څڼه سترګه وکړه، نو په يو ډبى کښې ئې بندې کړې.
” اودې شئ سبا له به مو ودوم”ـ

Continue reading »

May 312007
 

د زړۀ خبره
د پښتو افسانه کۀ څۀ هم د روايتى انداز نه د جدت، علامت او تجريديت تر سرحدونو
غزېدلې ده ولې اوس ئې هم د روايت لمن کلکه نيولې ده او ددې ثبوت کښې زۀ د خپل زلمى
شاګرد سردار جمال د "پېغور" دا افسانوى مجموعه وړاندې کؤم، چې په ساده روايتى او
بيانيه انداز کښې ئې د خپلو قصو پلاټونو سره شاعرانه انصاف (Poetic Justice) کړے دے.
دغه انصاف مونږ ته د هغۀ د افسانې په اختصار کښې د جامعيت په شکل، په فن کښې د مقصد
په صورت کښې او د کردارونو د سوچه ژبې په جوثه کښې ښکاره ليدے شى.

Continue reading »

May 282007
 


سريزه
د ښاغلى سردار جمال د افسانو په مجموعه "پېغور" د څۀ وئيلو نه اګاهو مناسب ګڼم چې
اول نا اول بنيادى طور د موجوده مختصرې افسانې متعلق مختصر غوندې ابتدائى تعارف
وکړم، نو د پخوا راسې زما تحقيق دا دے چې د نننۍ مختصرې افسانې ابتداء د عربى فارسى
د لطائفو او حکايتونو نه شوې ده. فرق پکښې صرف د نوم دے. يعنې دا چې عربو به ورته
حکايت او فارسى بانو به ورته لطيفه يا نقل وئيل؛ خو چې کله اېډګراېلن پو دا فن په
يورپ او امريکه کښې متعارف کړو، نو "مختصر افسانه" ورته ووئيلے شول. او "مختصره
افسانه" پخپله يو مرکب نوم دے. مراد دا چې کۀ دا فن تخليقى طور د يو امريکنى د
مازغو يا د يو پېرنګى د ذهن پېداوار وے، نو "مفرد" نوم به ئې ورکړے وے او بله دا چې
دا خبره زۀ په پوره دعوه سره کولے شم چې د فارسى ګلستان "لطائف" او د حضرت شېخ عطار
د تذکرة الاولياء "نقلونه" يا د عر‌بى کتابونو "حکايات" ټول هم دغه صفات او خصوصيات
لرى کوم چې د موجوده مختصرې افسانې دپاره فنى طور ټاکلے شوى دى يا فنى طور د مختصرې
افسانې د رغاوڼې دپاره ضرورى ګڼلے شوى دى. د مثال په طور يو مختصر غوندې "نقل" د
حضرت شېخ عطار د تذکرة الاولياء نه نقل کوم. کوم چې حضرت شېخ د حضرت عتبه بن غلام
قدس سره د "توبې" وښکلو په ضمن کښې ليکلے دے. ليکى:

Continue reading »

May 272007
 

Afsaney: Peghore


ټول حقونه د افسانه نګار دى
د کتاب نوم: پېغور (افسانې)
افسانه نګار: سردار جمال
نظرثانى: محمد زبېر حسرت
اول چاپ: مئ ٢٠٠٧ء
د چاپ ځائې: دانش خپرندويه ټولنه، پېښور
شمېر: پنځۀ سوه
کمپوزنګ: عبدالهادى حېران
قيمت: پنځوس روپۍ
خورونکى
د ادبى دوستانو مرکه، مردان
مرکزى پښتو ادبى جرګه، نوښار
پښتونخوا
درک
سردار جمال. فون:

0300-5688015، 0345-9313554


کلے او ډاکخانه جلسۍ، محله اعوان، تحصيل وړوکے لاهور، ضلع صوابۍ

Continue reading »